L'occhio... cattivo delle ammaliatrici

Sandro Cergno

La voce del popolo, 2 dicembre 2005

In un'intervista a Francesca Cuccurin (1924 - 2003, casalinga), alla domanda sul malocchio e chi fossero le presunte ammaliatrici, l'interlocutrice risponde:

<<Qualchidun iera coi oci forti, i te fisava, ncantava. Como che i veso da ncantate, strigate. Qualche femena che iera un po' ignorante... le credeva ti se? le dizeva: "Ara, mi ze vignu un po' de mal, qualcosa... E... quel, quel me fisava, quel mi varo fato la strigaria!". E tante che iera ncinte le si meteva magari 'na medaieta, qualcosa... perché no i ghi veso da strigaghi la creatura che le jo 'n pansa. Le vecie dizeva: "Anca quela striga, anca quela jo i oci bruti, la fisa, la striga". E anca ti ti metevi 'na medaieta sa, zota, che no... che no la te strigo, perché la te nfisava 'ntei oci. Ti vevi pagura perché ti pensavi: "La mi faro... la mi faro qualcosa per la me creatura...", che no la naso bruta, che no la naso dezgrasiada... E le veva le vecie, le veva sta fizima 'ntel cao. E anca mi, anca adeso che ze poco... sti ani prima... mi la metevi perché mi pareva... ze tante che jo invidia, che ti steghi ben, che ti sen sana... Che no le ti porto via el lato e cusio... E le vecie de prima iera ancora de più che le pensava queste robe... perché iera qualcheduna, qualche femena, che la iera como le strighe: geloze che ti steghi ben, che ti sen sana o che ti sen bela... Quando ierundu zovene, ti se che se iera bele... e le dizeva: "Ma vara che bela sta moreda, ma vara che bela, ma vara che bele gambe.." E tante si dizeva: "Speta che mi metare 'na robeta de cieza, 'na medaieta cul puntapeto..." a ciò che no i la strigo. Iera femene vecie..., e le zovene veva pagura che no le ghi fego qualcosa. Le si dizeva: "Ma vara, che la mi vol... la vol fami qualcosa, qualche dispeto...". E che ti par che no le feva? Le feva strigarie, cusio..., qualcosa 'ntel cao... Le voreva faghi mal a quele che le veva odio. I dizeva che iera striga anca la Conca, so mare dela muier del Strice Carolin; la steva 'n Sant'Elena. E anca quando che le scontraundu, ti se che che feundu noi cu ierundu zovene e co vedeundu le vecie che nde fisava? Ara cusi, 'n scarsela, ghi feundu 'l figo, opur ghi feundu i corni... Ze vero, ti se? Tante voreva fati propio anca del mal, che ti sii malada, che ti vebi mal...Mi ieri malada de peto e pasavi che zevi la del dotor: "Aja, anca questa presto... presto muro, anca questa...!" ; como 'na gelozia da vore che mi vegno mal. Cusio iera 'na volta: la zento cativerioza!>>

Tutta invidia la loro

Emerge, come si vede dal racconto di Francesca, un elemento costante e fondamentale nell'interpretazione del malocchio: l'invidia e la gelosia nutrite dalla presunta ammaliatrice nei confronti della vittima, spesso una giovane in età di matrimonio. Alla domanda sul perché di tale intenzione o tendenza a procurare nocumento, Francesca Cuccurin risponde:

<<E perché ze cusio! Se ti catavi... lui [il marito] iera bel... je cata 'l moroz... e la mare de quele che iera anca zovene, de 'n Borgo, le dizeva: "Ma, ara como la si jo cata, e presto, e le me fie che le ze de famea..." e che magari le stava un po' piu ben... ma morozi no ghi nde zeva! Perché, o le iera un po' piu brute, o piu stupide... e mi che ieri un po' più bela... Lore le iera geloze che mi ieri gambiada bela... e dal barcon i me vardeva co zevi a mesa - Ara che bela che la ze! -. Iera propio cativeria. Le iera geloze, cativeria, rabia che ti je 'l moroz...>>

Maria Mottica (XXXX - XXXX, casalinga) credeva fermamente nell'esistenza delle streghe e nel potere che queste avevano di arrecare malattie agli uomini o agli animali, come pure danneggiare i raccolti. Racconta l'interlocutrice:

<<Ze la zento cativa, de dute le sorte, le ze nate con questo, le jo i oci... le ti fa. Mi da sempro credi; je prova. Noi, pena spozadi, ndi crepeva ogni ano el porco, anca quela di che signemo spozadi; poi me mare veva sta la de un preto che steva a Galizan, la go portà roba del porco e poi mai piu no 'l ndi crepeva.>>

Alla domanda sul perché della tendenza a nuocere e del possibile rimedio, Maria risponde:

<<Le ze geloze. Qualcosa co ti va ben... le ti se meto tra mezo, tra la fameia, che ti vego mal... e lore le se godo, si. Ma queste che le ze, lore le ti sa za el to pensier, duto le sa che le pol fati se ti sen debolo... e... quando che ti le vedi ghivol sempro... un po' bruto con lore.>>

L'anti malocchio

Ma poco più oltre afferma:

<<Co ti savevi chi che ti jo fato mal, la femena, no ghivoreva che ti ghi dighi gnente se ti la vedevi perché la ti varao fato ancora de piu! Ti zevi la de un che ti savevi che 'l ti feva che no la ti fego piu, e poi no la podeva piu fati... Ti no ti vedi che che 'l fa lui, no. Solo el ti domanda quando che ti sen nato, e questo e staltro... E se va un per ti ghivol che 'l ciogo tre robe de ti: la camiza, una canotiera, una calsa... tre robe, si... e una fotografia de ti: lui te vedo sula fotografia. La piu parto poi diz che ghivorao vé qualcosa de roverso ndoso... che no i ti fego piu del mal... Mi ghi vevi dito chi mi veva fato... e lui jo sta subito... poi... ti se chi che iera? adeso la ze morta... la Pavide, quela magra... e poi no la mi jo fato piu del mal.>>

 

http://www.edit.hr/lavoce/051202/cistriana.htm